【專訪】蕭徽勇蔬果汁斷食大法60日減60磅：一定要做足事前功夫！

近年唔少都市人都漸漸追求健康生活，同時希望能夠達到修身效果。早前蕭徽勇（Gordon）在Big Big Channel公開挑戰60天蔬果汁斷食大法，勁減60磅，由248.6磅減到189.1磅！（６月接受訪時的磅數），到現在再去到175.8磅。

Gordon透露蔬果汁斷食大法的目的不是減肥，最主要是令腸胃休息，因都市人從來沒有讓腸胃休息過：「大家由細到大都係咁食嘢，無論係瘦人定係肥人都冇畀腸胃休息過，而蔬果汁斷食就是一個好好嘅機會清洗腸胃，Reboot成個消化系統，完成呢個斷食法後，我嘅口味同往會有好大分別！」

Gordon哥哥由肥變瘦過程

以顏色分類　蕃茄加苦瓜勁難飲

相信大家都看到，經過這60天後，Gordon簡直若判兩人。而Gordon將會教大家如何製作，簡單又唔難飲的蔬果汁。首先，要預備不同蔬果的組合，基本上外國人用來做沙律的菜都可以用來製作蔬果汁，同時可以根據個人口味來做不同組合：「但如果用蕃茄加苦瓜就真係好難飲，因為綠色汁還綠色汁，紅色汁還紅色汁，紅菜頭幫助到清腸胃，去廁所去得好清。」

但Gordon亦提醒打算開始蔬果汁斷食的朋友們，若不是為了減肥，可以先嘗試3日或者5日。打算開始斷食大法之前一個星期就需要食吃得清淡點，盡量少吃肉，慢慢連奶製品都不要吃：「預先儲定啲纖維，身體適應咗就能夠加速排毒。我自己開始得好倉猝，所以冇做呢啲事前功夫，頭幾日就比較痛苦，腸胃不會唔知道發生咩事。有啲人覺得暈，會想嘔、頭痛、抽筋等症狀，但每人都有唔同反應，不過唔會維持好耐。」

製作蔬果汁大原則 ── 起碼要70%至80%是蔬菜：

青瓜1大條
青蘋果
西芹2支
羽衣甘藍
菠菜
檸檬
薑
蘆筍2支

當日Gordon哥哥即場製作的蔬果汁，記者同攝影師都有試飲，初時都驚好似有食草的感覺，因為聞上去是好fresh，草味相當濃，但蔬果汁好易入口，可能有青蘋果關係，飲落有淡淡甜味，所以飲得開心，似飲緊果汁一樣，飲完亦有飽肚感覺，大家睇完樓下圖輯之後，記住睇埋短片，等Gordon哥哥親自教你整。