【特技人】朱晨麗首次擔正　泳衣跳彈床：性感過選港姐

朱晨麗入行7年以來，首部擔正的劇集《特技人》今晚（6日）正式首播，劇集以電影行業內的「特技人」生活為主軸，道出他們「人前風光、人後艱苦」的一面，揭示當中的危險辛酸，展示特技人的執著與付出。飾演明星傅嘉莉替身的朱晨麗曾透露這部劇是她拍過最辛苦的劇集，她更曾因連續拍30多小時，體力透支需送院治理。

而在去年節目巡禮上曝光的片段中，朱晨麗泳裝打排球，豐滿上圍非常搶鏡，據知該場戲份將安排在第二集（7日）播出。朱晨麗非常期待，因為港姐之後已經很少穿泳裝，也擔心觀眾的反應，她說：「場戲講我做替身，穿沙灘排球衫拍飲品廣告，戲中戲，我要做高難度動作，彈床度跳來跳去，當時係夏天，好曬，拍完真係成身散晒。」

為了該場戲，除了劇組要求認真，依足沙灘排球比賽的服裝，朱晨麗也花了數個月時間鍛練身形，她說：「做健身，瑜珈同舉啞鈴，全部都做，希望出來線條靚，套衫真係好少布，上下身都唔可以打底，比起港姐時更性感，好尷尬，跳時真係好驚走光，又要做前空翻，當時又多臨時演員，埋位時沒得遮，只可以頂硬上。」對於公司實行限奶令，所有涉及性感鏡頭也要刪除，所以該場泳衣造型分分鐘也被剪，朱晨麗說：「暫時未收到通知，都唔知會點，但咁辛苦拍，都希望觀眾可以觀賞到，不過我會尊重公司決定。」而劇中傅嘉莉亦有唔少三點式造型，唔知大家又覺得邊個身材好啲呢？

好多人都會問比堅尼同三點式有什麼分別，其實兩者都係指上半件為胸罩、下半件為內褲的女性專用兩件式泳衣的簡稱。所以，各位巴打其實三點式都唔一定好性感！