【兄弟大茶飯】曹永廉強吻「送水輝」：我想試下男人咩味道

無綫綜藝節目《兄弟大茶飯》將於下星期一（三十）晚首播。「好兄弟」蕭正楠，曹永廉聯同余詩霆及胡美貽主持出席尖沙咀舉行記者會。為咗今次拍攝，眾人遠征至新疆沙漠、橫掂、深圳親手炮製「大茶飯」給每位演員及工作人員。

煮嘢食對蕭正楠來講一啲都冇難道，貴為漢堡店老闆，近日在《big bigchannel 》上架，銷量如何？正楠話：「真係好多謝Tony呀，翠如，阿廉呀佢哋幫手，因為嗰日我上咗杭州拍嘢唔喺香港。」旁邊阿曹話：「佢距離上市不遠，一間變兩間，三間變四間，哈哈！」洪永城在節目打趣笑蕭正楠：「揀漢堡包就有taste，揀女朋友就差啲。」正楠回應話：「呢啲嘢係佢講啫，我唔畀意見啦，呢啲咁小丙嘅說話，我唔答咀啦，哈哈。」

此外曹永廉喺《big big channel》節目強吻「送水輝」許家傑，「大小姐」林淑敏即是還擊強吻曹永廉，阿廉真係又食又拎。「我想試下送水輝，試下個味道，睇下自己會唔會上癮，好在我冇上癮，阿淑敏錫我嗰一啖係遲咗二十年，後生啲係好啲嘅。」阿廉咁錫法老婆有冇詐型呀？「我哋做呢行有個好處，就係鍾意錫男又得，錫女又得，你都冇我符㗎，搵食啫，佢哋都唔會介懷嘅，我亦都唔會理佢哋介唔介懷嘅。」阿廉笑住望住正楠話：「佢鏡頭後錫唔少啦，哈哈。」