【公公出宮】四位公公好老友　曹永廉笑蕭正楠：你咁細隻蕉嘅？

《Do姐再Shopping》於星期五（12月15日）就是最後一集，緊接落的節目原來是份量人馬都拍得住的《公公出埠》，由黎耀祥、曹永廉、蕭正楠和黃浩然，4位實力兼偶像派演員「嘆」住去旅行。

《公公出宮》《大太監》，相信大家對劇中的黎耀祥、曹永廉、蕭正楠、黃浩然等人的公公（太監）角色都甚有印象。4個人鏡頭前是拍劇上的好拍檔，鏡頭後更是一班死黨。計計下原來自《大太監》以來已經有4年時間。有見及此，TVB就度身訂造了一個《公公出埠》的旅遊節目給幾位「攞公數」去旅行。

原來今次去到泰國布吉「又玩又食」的構思已經存在已久。黎耀祥、曹永廉、蕭正楠和黃浩然接受《香港01》訪問時說：「（黎）《大太監》之後大家感情都好好，我哋已經有構思去旅行，公司見我哋咁想去，咪成全我哋囉。（蕭）我都幾次話出錢請佢哋去旅行，但都係湊唔齊人。」

今天大家一樣都穿著夏日感十足的「香蕉衣」，原來這款衣服是大家旅遊時，蕭正楠出錢買的。而這身衣服更是有一個特別的寓意。「我哋四個公公冇咩呢，而又好想要啲咩呢，就印咗係件衫度。所以就係公公出宮朝氣勃勃。（曹永廉指著蕭正楠說）你咁細隻蕉嘅？」節目中更會有真情對話，互爆秘密等環節，到底4個大男人去旅行嘅節目好唔好睇呢，真係到時先知。

想知他們係咪去神秘地方搥骨？即睇片！