【動漫節2018】「野生捕獲」翻版林明禎Miko　最愛漫畫係《風雲》

動漫電玩節2018今日開幕，吸引了不少動漫電玩迷進場參觀，而早前也有在書展亮相的「翻版林明禎」Miko Wong亦有到場，支持著名漫畫家馬榮成先生作品「風雲」的攤位。Miko接受《香港01》訪問時説：「馬來西亞都有動漫展，但係就冇香港咁多嘢睇。」

Miko自言，她從小就喜歡漫畫：「我以前都有睇漫畫，表哥成日睇嘅《風雲》或者《中華英雄》我都鍾意，佢買咗之後我就會搵嚟睇。（你表哥有冇買漫畫刀劍？）有吖，佢都有買，仲有模型嗰啲嚟收藏。（你係搞破壞嗰個？）冇吖，我細個會幫佢啲模型抹塵。我未嚟過（香港）動漫節，所以我專登同公司講想嚟睇下《風雲》。」