林泳淘暑假冇人約唯有自己打機　準備在動漫節Cosplay等待捕獲

動漫電玩節即將來臨，今年TVB動漫大使「Godlike Girls」的隊服亦終於登場，今（19日）在動漫展記者會上，身穿桃紅色隊服的林泳淘對其造型表示相當滿意：「我哋八個女仔每人都有一隻代表色，企埋一齊就好似一隊組合咁夾。」八位動漫女神會在27、28和29號的動漫節與大家見面，但林泳淘今年除了代身動漫大使，原來自己私下也有Cosplay活動，她表示：「自己本身有啲興趣，加上自己呢幾年做嘢都識咗唔少有名嘅Cosplayer，今年一於跟佢哋一齊出吓活動。」

問及日常生活會否和男朋友一起打機，林泳淘表示：「冇喎，唔會同男朋友打機，平時都係自己一個打，打機就係享受自己一個嘅時光，所以通常都係自己一個打。」她更透露：「今個暑假完全冇人約我去玩，都冇人約我去船P呢啲活動，生活主要係工作為主，之後就係打機。」