【港姐2018】見習建築師Amber想入娛樂圈？「趁後生先有好發展」

《香港小姐2018》最後20強人選已經有齊，昨日20位佳麗Set個靚頭之後，今日下午亦正式在傳媒前亮相，毫不意外地今屆20位清一色都擁有大學學位以上。參選佳麗之中，除學生外亦有來自各行各業的，由自由潛水教練以至小學教師都有，其中23歲20號的鄧卓殷（Amber）更是香港大學建築系畢業，現職見習建築師。

Amber接受《香港01》訪問時表示自己是去年畢業，剛完成了一年的建築師實習。Amber雖然非常口密不肯說工作時建築師樓的名字，只肯透露它在香港頗有名氣。大家可能會猜想，在有名氣的建築師樓工作又是見習建築師，就肯定是高薪一族，但事實是與大家想的是相反。

Amber：「（見習建築師人工）其實同普通大學畢業生畢業差唔多。（少過2萬？）睇下個市價係點啦，因為見習建築師都係一個實習機會。（點解會選港姐？）我唔甘心讀咗建築就一直行建築師呢條路，我都想有多啲機會。我覺得18，22唔係成日都有，所以趁後生嘅時候想多啲挑戰下自己。（選完會唔會做返建築呢行？）如果真係選到港姐，當然是履行一年港姐職責，到時再發展啦。因為建築係冇分年齡㗎嘛，但係香港小姐同娛樂圈就係要趁後生先會有更好嘅發展機會。（履行完一年港姐職責會走？）都有唔同可能性嘅，我宜家都未知道。」