岑杏賢想做網上心理輔導師 解答網友心理疑難
撰文：黃欣華
出版：更新：
岑杏賢（Jennifer）現身為明珠台全新偵探美劇《直覺追兇》宣傳。在台上，Jennifer就自認直覺好準：「以前我喺英國讀書嘅時候，成日都要靠第六靈感揀日子book機票返嚟香港，好多時都好好彩，返到香港嗰邊就會發生一啲事情，一次就係倫敦地鐵爆炸，一次就係大風雪，所以我都好感恩。」
但對於在愛情上嘅直覺，Jennifer就笑言:「我好多時都想相信自己嘅直覺嘅，但最緊要憑感覺，感覺良好同舒服係要重要。但始終感情唔係可以樣樣靠直覺，如果唔係就變咗好似查案，咁會好辛苦。」
現時係職道生涯規劃輔導協會任心理輔導師嘅Jennifer就透露最近想更專注有關心理方面工作嘅發展，佢話:「big big channel《心理急救室》第二季最近就完咗，但依然有好多人會將問題發到我嘅e-mail，所以我想籌備網上服務，但係好初步嘅想法，希望有多啲時間同得出出面嘅人多啲信任先。」