WWF大使張曦雯呼籲大眾保護海洋　難忘馬爾代夫潛水 ：係另一世界

張曦雯（Kelly）近日出席WWF的活動，去到橋咀潛水，和教練探討海洋生態的變化，Kelly的爸爸和弟弟也有一同前往。其實Kelly早前就是在這裡考取潛水牌，向來熱愛海洋的她，直言人類為全球的海洋帶來不少破壞，希望用自己的小小力量，令大家意識到保護海洋的重要性：「其實香港都有好多好靚嘅海洋生態，好多珊瑚，好多生物，可以畀我哋保護嘅，希望我哋可以喺環保方面出一分力啦。」Kelly表示每一次潛水就好似參觀別人屋企一樣，呼籲大家要互相尊重，千萬不要破壞「他人」的家園。

橋咀洲及牛尾洲有多種硬珊瑚（84種硬珊瑚中佔46種）種)和至少 169

種海魚 ,當中包括超過 35 種屬本地罕見、瀕危或易危的物種，今次Kelly潛水都見到不少珊瑚和小丑魚，她也感歎大自然的美妙之處。

其實Kelly加加埋埋已經去過好多地方潛水，當中印象最深刻的要數馬爾代夫：「因為係第一次落到海入面可以睇到嘢，同埋係另一個世界嚟嘅，跟住見到好大隻海龜啦，我好鍾意海龜，因為好得意，你feel到佢個感覺好chill，好relax咁樣呢，望住佢哋游水會好舒服好開心。」Kelly透露自己會繼續考潛水牌，去嘗試冰潛、夜潛等，因為不同的溫度和時間，海裡面又會是另一番景象。

Kelly早前忙於拍攝《白色強人》，她坦言拍戲對自己來講好大挑戰：「因為我新呀嘛，《白色強人》係我第三套劇，仲要同視帝視后一齊做，我同郭晉安好多對手戲，跟住影帝John哥，係我daddy，兩個姊妹係Ali同詩詠。」雖然有壓力，不過Kelly就覺得好開心，日日都可以學到好多，所以套劇難在要記好多醫學用語。Kelly透露接下來一年都會以拍劇為主，現時正在和唐詩詠、王浩信拍攝《解決師》。

既然Kelly此般熱愛海洋，如果有一套戲同海洋有關，她自然都好樂意參演：「因為我好鍾意落水，所以今次有呢個機會可以同WWF一齊，可以出海，即係畀個機會我去潛水，我好開心，如果係有任何工作要require我落水嘅，其實我自己都好開心，因為每一次其實大家見到我去潛水呀，嗰啲都係因為節目，因為工作而落去『玩』嘅，所以如果可以keep住畀啲機會我去繼續『玩』都好。」看來Kelly真是好enjoy與水為伴。