【BB來了】黎諾懿背妻偷食范文雅　戲內被胸壓：我唔敢話畀老婆知

黎諾懿、范文雅現身油塘舉行劇集《BB來了》宣傳活動。今日黎諾懿趁太太不在場偷會范文雅？非也，在戲中李佳芯(Ali Lee)飾演黎諾懿老婆，Ali Lee因忙拍《白色強人》而缺場。

人夫黎諾懿在戲將會與范文雅有場火辣辣情慾對手戲。諾懿透露因為呢場戲咁火辣，唔敢講畀自己老婆知，免得老婆大人擔心，「因為呢套戲裡面，有場戲要畀范文雅色誘我，仲要女上男下，胸壓住我係張辦公枱上，攪到我拍攝時我都唔知自己對眼望去邊好。」在拍攝時咁挑逗性，有冇生理反應？諾懿笑言「雖然文雅本身係個性感尤物，生理反應緊係冇啦，我有咩未見過，難唔到我嘅。」諾懿又謂「文雅在戲劇上，咁無私奉獻，演出咁投入，覺得佢作出左好大嘅犧牲。」

《BB來了》劇中，范文雅飾演一位樣靚身材正有錢女，係男人都會對佢神魂顛倒，戲內要色誘黃長興、黎諾懿，對范文雅演技一項挑戰。文雅表示「在拍攝時最大挑戰係要著吊帶絲襪，自己平時都唔會着，之後越著越少，因為片場內有好多人望住，最難係要克服心理障礙。能讓自己入戲。」