【逆流大叔】入圍紐約亞洲電影節　胡子彤：導演好叻寫Gag！

《逆流大叔》主演除咗吳鎮宇之外，黃德斌及胡子彤都係主演之一，今次拍攝主要在室外環境，對於佢哋嚟講會唔會都好辛苦呢？徳斌就表示唔算，但作為大叔都會有一定嘅腰酸背痛，身旁嘅子彤就回應佢︰「後生仔都有腰酸背痛時。」《逆流大叔》入圍紐約亞洲電影節，對一眾演員嚟講都係一件十分興奮嘅事情，子彤除咗開心之外都偷聽到導演同監製嘅對話，「聽佢哋講，外國有好多觀眾都好鍾意呢部電影，特別係導演好叻寫Gag，外國人鍾意我哋好開心，但都希望香港觀眾都會人場支持我哋。」

呢部係勵志電影，講述點樣逆流而上，問到二人當中人生遇到逆境時候會點處理？徳斌︰「其實任何時候都會有機會遇上逆境，可能運動員做運動嗰一日狀態唔好已經係逆境。」子彤旁邊回應到都覺得每一日都會係逆境︰「起身返工可能都已經逆境嚟，遇到好多難題點樣由逆境創造順境出嚟，我覺得要帶到呢個訊息出嚟先最重要。」