【深宮計．專訪】康華嘆香港大陸拍劇分別大：國內係演員定規矩
《宮心計2深宮計》雖然著重一眾權鬥的風波，不過劇中也有一班站於權鬥外的份子，就是幾位尚局裡的司珍、司設、司製和司膳，其中南宮司設（康華飾）在最近兩集成為焦點，事關為了保住皇后（胡定欣飾）的地位，皇上（馬浚偉飾）竟然將她當成縱火案的代罪羔羊，這可是死罪！苦命的南宮司設雖然被愛慕自己的成內侍（韋家雄飾），但成內侍卻因此被流放邊疆，保住了生命卻失去了愛人，南宮司設認真命苦！
不只劇中的角色命苦，其實康華在拍攝劇集途中一樣命苦！一向拍慣古裝的她，知道無論冬天還是夏天一樣是辛苦的，但今次在《深》的辛苦是特別深刻，因為要求被過往的高，當然出來的質素是更好。雖然康華已經有心理準備，但未免也會有點吃不消，她說：「有六日無瞓過覺，開廠時間好長，當時我又住得遠，揸車返到去都未必夠時間沖涼。因為有時一個景係得一星期，要馬不停蹄咁喺一星期拍晒呢個廠景，有時返到屋企沖完涼洗完頭已經無時間，又要揸車返去拍。香港塞車，朝早六七點先收工，撞正繁忙時間，可能要個幾兩個鐘先返到屋企。我哋好多時收工，幾個鐘後又要再開工，仲要計埋返去set頭化妝，連恰嘅時間都只係等埋位嘅時間。呢六日就咁捱過，真係幾瘋狂，好考意志力，都唔理身體狀況得唔得，都要拍落去，其實同劇個個都係咁，幕後嘅仲辛苦。」
快啲細仔睇吓不老的康華。
對於演員的工作時間，康華坦然在香港一直都是這樣，已經習慣了，無奈是香港資金和時間都相當有限制，所以這個情況是很難扭轉過來。北上發展了幾年的她，深感兩地拍劇文化的不同，她指國內很多時都是演員行先，是演員把規矩定下來，例如簽下合約寫明幾多小時工作。香港市場較細，市場更與大陸是不同的，所以很難會比較兩地的優劣。「多時間多資金當然做乜都好，但（香港）咁樣去訓練一個演員，係一件好事嚟。TVB係一個訓練演員或者工作人員嘅地方，會有一堆高質素嘅人，要喺最短時間最少資金嘅情況下做到，係一件好神奇嘅事，亦係一個好高考驗。」
【深宮計．專訪】張文慈自覺學做人難過學做戲：有啲嘢唔好咁認真
康華續說，香港演員在大陸是相當有專業守則，國內演員的確是被寵慣了，但他們的確有條件，市場大粉絲多，只可以說是地方不同。香港演員變通快，而且很捱得，康華說：「唔可以話大陸演員唔捱得，佢哋曾經都捱過，但而家起飛咗，唔再需要好似以前咁，好正常，人哋辛苦我哋未必知。好似人哋睇我哋好風光，無人知我哋捱咗六日，有啲工作人員新入嚟睇我哋開工，見到原來係咁㗎，好多之後就走咗。」所以能在TVB捱出頭的人，通常吃苦能力都是比較超群的。
大陸香港兩邊走，康華現在比較多在香港拍劇，主要因為是要照顧一對年老的父母，雖然國內能夠賺大錢，而且好角色亦比香港多，無奈父母身體開始差，康華為了珍惜與他們相處的時間，所以便暫時放低自己的大陸事業。其實在香港，康華也是深得民心的，而且她自己亦說：「香港觀眾就係我家人，我由一開始入呢行，佢哋就睇住我成長。以前我喺香港嘅角色，都係比較偏向反派同埋唔係我性格嘅角色，如果有機會可以俾香港觀眾了解我多啲唔同方面嘅演技同性技，好似我國內嘅劇咁，通常係比較溫文，多啲感情戲，我喺香港就係大家姐、反派。」