【超人特工隊2】楊千嬅夫妻為卡通配音：喺我地人生裡面留下回憶

楊千嬅孖住老公丁子高一同出席香港迪士尼樂園「迪士尼巨星嘉年華」活動，為電影《超人特工隊2》配音的楊千嬅及丁子高與卡通人物現身明日世界與現場觀眾見面，場面十分熱鬧。

兩人今次為《超人特工隊2》配音，同時化身成為英雄夫妻，千嬅表示十分開心：「好開心可以兩公婆一齊配音，因為兩公婆從來冇做過同一件事，佢（丁子高）通常做幕後及製作，我就做幕前，能夠喺我地人生裡面留下回憶，大家又冇正面衝突，成件係開心嘅。」

日前丁子高因盲腸炎入院後，身體現正康復當中，但他仍然不理太太勸喻，還在IG放跑步相。丁子高笑言：「呢幾日我都有跑步，可能千嬅擔心我跑下跑下會流咗啲野出嚟。本身個傷口係微創，自己係超能先生，唔使擔心。」旁邊千嬅反駁：「喺IG見你影啲相，成個樣面青青，仲同我死撐話天氣影響，我唔夠佢講啦。」