朱鑑然爆肌泳池拍攝節目　自爆為新戲學跳社交舞

朱鑑然近日為TVB拍攝《今期流行》，在水中為大家測試防水眼影，同場還有伍樂怡、單文柔等。雖然是第一次在水中拍攝，但對於這位深諳水性的飛魚王子來講，當然得心應手：「因為我水性都好好啦，所以硬係會覺得喺水入面拍嘅時候，個感覺再舒服啲，再輕鬆啲。」朱仔坦言去到自己熟悉的環境，心情會好放鬆，更令他憶起當初游水的難忘事：「幾深印象是一次參加比賽，我都比平時早到場20分鐘左右，但去報到時工作人員卻話賽事即將進行，原來當日流程快了，所以雖然早到，但都係遲咗……下次唯有再早啲到！」

朱仔游水這麼厲害，如果要做一個游水的角色，應該都會駕輕就熟啦，不過他就說要視乎角色而定：「如果角色要游得好快，咁我熟水性一定有幫助嘅。但我反而因為做運動，對自己身體嘅認知同敏感度會高啲，接觸新事物都會pick up得快小小。」接下來朱仔就會開拍新電影，戲中還會接受新挑戰：「新戲角色會涉及跳舞成分，所以最近都有學跳社交舞；另一個project係需要講異地口音，希望好快有新作送俾大家！」

今次在節目中要測試化妝品，朱仔自稱平時會擦眼影出街，不過實際是嘲笑自己的黑眼圈，稱工作有需要時才會化妝，但自己一定要擦的就是防曬霜：「其實紫外線長年累月下好傷皮膚，所以一定要留意，男仔特別是耳仔邊、面頰、後頸膊頭等等！」難怪朱仔這麼白淨！