【飛虎之潛行極戰】吳岱融展現慈父一面　為家庭兒子選擇黑警之路

吳岱融於《飛虎之潛行極戰》中飾演高逸泰一角，外在是高級警司，內在卻是名黑警。換言之吳岱融又做反派，難怪有網民稱他為「御用奸角」。對此，吳岱融認為「御用奸角」的稱號不是件壞事：「其實同時期我都喺國內、新加坡演好多好人架，嚟緊嘅拍攝我都會做個好人角色。不過正如大家所講，我都真係演咗好多反派角色，而且我演反派嘅氣場係會大好多，加上個劇情喺反派身上著墨較多，篇幅亦會比較吸引到觀眾眼球。」

此時，監製李惠民為高逸泰抱不平，認為不能簡單就說他是個奸角：「呢個角色又係好人又係壞人，係個好仁慈嘅慈父，同時又係黑警，幾廿樣嘢撈埋一個角色身上，所以唔好當佢反派。而且好難演架，你一面倒剩係做壞人仲好。」

吳岱融補充：「事實上我喺劇裡面真係錫個仔、錫屋企，並唔係連仔女都殺嗰啲窮兇極惡，所以監製講得啱，你可以當反派咁睇，但某程度我個角色都係驚個仔死，先至會選擇配合危險人物、恐怖份子，然後用咗啲未必係啱嘅手段。」

既是奸角，同時又是慈父，吳岱融便應《香港01》要求即席演演慈父的一面：「仔，著多件衫啦，凍呀！仲有呀，你阿媽煮咗啲粥俾你食，記得食呀，你媽咪煮得咁辛苦，知唔知呀？乖啦。」當大家定神欣賞他和藹一面之時，怎知他最後還是嚴厲起來：「你食唔食呀？唔食兜巴搲你吖喇！Just joking，哈哈。」

【飛虎之潛行極戰】王敏奕無懼動作戲受傷：拍打戲無傷就唔有型啦

【飛虎之潛行極戰】何佩瑜拍劇初體驗　望再接再厲與吳卓羲續前緣

【飛虎之潛行極戰】雪兒再拍《尋秦記》：睇下古天樂會唔會搵我啦

【飛虎之潛行極戰】吳卓羲仲有邊種警察未演過？　佢親自解答...