【飛虎之潛行極戰】雪兒再拍《尋秦記》：睇下古天樂會唔會搵我啦

今日（5月7日）《飛虎之潛行極戰》記者會中十分有幸見到雪兒本尊，原來差點就與她緣懢一面，因為她是Last Minute才決定與會的，還是十分貼地地選擇乘坐港鐵到會場。「佢好熟路架，成日都自己返嚟香港搭港鐵周圍去。」雪兒身邊工作員人透露。

問到為何近年重投娛圈工作，雪兒解釋：「因為仔女大咗所以自己都多咗時間，加上老公愈來愈忙，佢亦希望我有啲嘢做等自己開心下玩下。咁啱今次樂小姐打電話嚟，問我想唔想試CIA Agent呢個角色，仲叫我唔好擔心，話係好舒服嘅無壓力角色，咁我咁耐無拍劇咪試下。」

相關文章：

【飛虎之潛行極戰】王敏奕無懼動作戲受傷：拍打戲無傷就唔有型啦

【飛虎之潛行極戰】何佩瑜拍劇初體驗　望再接再厲與吳卓羲續前緣

上述說話予人覺得雪兒不想拍些太辛苦的角色，其實不然，她還是想嘗試一些具挑戰性的演出的：「其實我都想做少少動作戲架，當初以為我個角色係CIA Agent就一定會有啲動作成份，點知無乜，只係得一場揸鎗training戲，反而係講好多嘢。其實我唔介意辛苦，如果個角色好吸引我，同埋俾足夠時間我去做工課我都會接，因為我想試啲新嘢。」雪兒再三強調要給予她足夠時間做事前準備，因為她承認看劇本方面依然有困難，會擔心不能準確說出台詞。

對於她復出工作，照計好友古天樂會經常找她合作，但事實卻……「上次合作已是客串《破狼·貪狼》，至於新合作計畫佢哋（工作人員）應該傾緊，我唔知。（咁《尋秦記》電影版呢？）好多人都問我呢個問題，但佢（古天樂）都未搵我，可能佢擔心我講唔到啲古裝對白。其實再拍《尋秦記》應該都好好玩嘅，如果古生搵我拍戲我一定拍，大家咁friend。睇下佢會唔會搵我先啦。」前「趙倩」開到聲，古生應該識做嘅。