【逆緣】黎耀祥收夏文汐五球幫黎諾懿續命 失敗點拆好？網民有計
【大嗱嗱500萬收咗先算】
《逆緣》中的賀永年（黎耀祥飾）已成「玄學家」，主要靠事前做資料搜集、父親賀和平（姜大衞飾）幫忙設局呃呃氹氹等方式，完成大大小小的生意委託。最新一集翁芷蕎（夏文汐飾）為了幫患癌的丈夫湯澤澄（黎諾懿飾）延壽，尋求賀永年的幫助。其實賀永年心裡已OS：「都末期癌症啦，點幫佢續命啊？」於是開出500萬的天價希望翁芷蕎「知貴而退」，豈知她卻一口答應。
大嗱嗱500萬就在眼前，賀永年唯有頂硬上，把坊間關於「延壽七星燈續命術」的書看一遍，左填右補地整合起來做了場法事給翁芷蕎看，並說出「七七四十九日內延壽七星燈光明不絕就可延壽續命」的條件。
【唔想被拆招牌 就搵人拆延壽燈】
其實人人都知「延壽七星燈續命術」唔work，就連賀永年都話：「見步行步、順其自然、各安天命。」難怪賀和平會擔心遲早穿崩。其實不只賀和平，就連網民都紛紛幫賀永年想辦法，討論要是湯澤澄最後還是死了，應該如何向翁芷蕎拆招、解釋，於是有人提出：「喺七七四十九日到期前搵人搗亂整熄晒啲燈，然後話個天都要湯澤澄死咪得囉。」
「搗亂」提議一出，網民便研究「如何可搗亂得更為合理」，最後就得出方法：「既然佢哋喺湯家發跡祖屋點延壽燈，賀永年搵個方法話俾憎到翁芷蕎死嘅湯澤汶（何綺雲飾）知，指翁芷蕎喺佢哋祖屋作法搞搞震，目的係想搶走湯家家業，到時湯澤汶衝動起上嚟，唔知頭唔知路整熄晒啲燈咪一天都光晒囉。」的確不失為一個好方法，既合情合理，又符合湯澤澄安排翁芷蕎做信託基金管理人，激到家姐湯澤汶生蝦咁跳，於是與翁芷蕎更不和一事。
【逆緣】糖妹甲組腳唔見咗 分享跑步瘦腳心得：唔食早餐空肚跑步
【逆緣】黎諾懿高富帥仲要肯花心思 難怪閱歷多如夏文汐都被攻陷
【逆緣韓馬利】混血美女為老公下廚煲燶湯：早幾日差啲燒咗個廚房
不過，亦有人提出疑問：「如果喺法事完全完成之前，亦即「七七四十九」之內湯澤澄已經死咗，咁點拆？」法事未完成就死了，即不是賀永年道行不夠，理應與他無關。這樣解釋啱唔啱聽？大家又有何睇法？