碧咸同龍婆世紀合照交新朋友　羅蘭開心到豎起拇指

娛樂圈的世界之奇妙，好多事情是你想不到的。話說男神碧咸（David Beckham）昨日（26日）現身澳門，為代言的澳門金沙酒店拍廣告。今日他在Instagram上傳了不少拍攝點滴，其中就有和龍婆羅蘭姐的合照。相中的羅蘭姐和碧咸攬到十足十，非常親密，碧咸還寫到：「Night shoots in Macau and making new friends。」心情相當興奮。

羅蘭姐今日剛剛從澳門回港，在接受《香港01》訪問時，便對碧咸讚不絕口：「佢好nice，好好笑容，一直都面帶笑容。」見到羅蘭姐可以同碧咸近距離接觸，還可以攬住一起拍照，一班fans當然都好羨慕，原來羅蘭姐家裡都有碧咸的fans：「我有個親戚，好捧佢場㗎，每次曼聯一贏，我哋就有嘢食，有酒飲。」嘩，真是享福呀。話哂羅蘭姐的「龍婆」形象深入民心，不知道她有沒有介紹下香港的鬼片給碧咸呢：「咁我又冇喎，佢係外國人，應該都唔會睇我哋嘅鬼片啦。」羅蘭姐真是好謙虛。

其實羅蘭姐好疑惑，為什麼大家都知道她和碧咸拍照：「點解你哋都知嘅？係佢（碧咸）擺咗出嚟呀？因為（廣告）係唔公開㗎嘛，所以我同佢影相應該冇人知。」羅蘭姐笑著說，現在才知道是碧咸上載到了Instagram，她亦好開心這次可以同碧咸合作。

據悉，廣告一共拍了兩、三日，拍攝之餘，碧咸亦趁機四處遊覽，遊走在大街小巷，不時selfie，吸引好多街坊圍觀。碧咸亦非常親民，搭住一班街坊的膊頭影相。不少fans見到都留言：「好幸運」、「好羨慕」，更有fans話「明天我會在巴黎人找你」，十分搞笑，看來碧咸依舊是「萬人迷」呀。