麥明詩內衣當衫著 自覺幾過癮：其實我都好收斂
撰文：賴家杰
出版：更新：
麥明詩(Louisa)今日（26日）穿性感內衣出席內衣品牌活動，問到她會否嘗試以內衣出街？Louisa表示：「呢個品牌理念係可以著出街，況且現在都熱熱地，咁樣出去都會舒服，其實都唔怕尷尬，都係一件衫啫，著得舒服同靚就得啦。」內衣無加墊嘅Louisa表示，她選擇的款式都能突顯佢嘅身材，更覺得內衣當衫著嘅概念有時都幾過癮，她笑言：「其實我都好收斂，我選擇嘅都比較多布，至於係咪身材好好？只可以講我瘦囉，我比大家感覺我瘦囉，不過肥嘅位已經遮住咗。」
由Louisa主持的節目《後生仔傾吓偈》一直都有討論兩性話題，都深受大眾歡迎，但要傾到兩性問題當然要做足功課，Louisa透露：「係呀，呢方面要做好多功課，係要拎多少少人生經驗，就算同其他男仔出街都係為咗呢個節目。」但Louisa呢個舉動可能好容易令到男性誤會，Louisa直言：「我講到明而家好享受單身，咁大家好自為之，哈哈。」
最近Louisa被影到跟前度林作出街食飯，有傳二人復合，Louisa澄清說：「其實只係誤會，，好多人話啱啱分開大家要冷靜下，咁現在大家都分開一段時間可以做番正常朋友咁幾好。」
同場仲有姚子羚著內衣：