【後生仔傾吓偈】鄺潔楹「黑絲」出場　麥明詩：多毛即係性慾強

《後生仔傾吓偈》最近加碼一星期播足四集，主持仍然係陸浩明、麥明詩、馮盈盈做主打，除了有一班大學生之外，仲會時不時邀請嘉賓上節目傾下年青人話題，成班人吹下水都幾有娛樂性。昨日（4月25日）（第94集）題目就係講「誘惑」。在麥明詩的帶領下，嘉賓Judy（鄺潔楹）同一班大學生就穿上黑色絲襪出場，在場其他的男生仲即刻「WoWo」聲拍晒手掌歡迎。

一眾主持就開始討論「黑絲」同誘惑之間的關係。女生們就解釋道，原來穿絲襪對於女仔來說有諸多不便又沒有實際功能。Judy說：「黑絲好唔保暖，好薄好透。」不過大家都好認同：「黑絲其實透啲唔透啲，先夠性感」。麥明詩最後總結，就話：「真相其實一啲都唔吸引。」更有人說，當有女仔在「黑絲」透出腳毛時，簡直是十級噁心，「幻想的災難」。這時「博學多才」的麥明詩就反問陸浩明（六號）：「呢知唔知多毛即係咩吖？即係性慾強。」六號亦追問：「即係動物性？」麥明詩就解釋說：「關個荷爾蒙事。」連呢啲都知得咁清楚，麥明詩果然係香港小姐，美貌與智慧並重。