【蝸居宅急變】到底係DIY定製造垃圾？ 300呎蝸居掛鹿頭上去做乜
撰文：鄺鈺瑩
出版：更新：
今集《蝸居宅急變》繼續有啲嘢睇，所講嘅係因為頭一位個案的Jencil對於主持係又丟唔係又丟的做法甚為不滿。「滿心期待會變一個什麼style，點知第一日丟嘢時就覺得瀨嘢。」、「針唔拮到肉唔知痛」對比起前兩集個案的主人翁零反應，Jencil起碼都叫有主見。
【蝸居宅急變】570呎都叫蝸居？ Queenie今集冇斷捨離積極添廢
不過，主持人Queenie與Ann姐今集似乎已經係憑直覺去丟東西，例如見到屋內的一個鐵架，就馬上判斷為無用，見Jencil反對就更起勢話一定要丟，如果唔係Jencil話個架係搵食工具，相信已經身在堆田區了。為了勸掂Jencil斷捨離，Ann姐今集出動了不少金句「你好多嘢有用，最沒用是自己」、「買咗啲野，你未返到屋企就已經要丟咗個盒」講到咁勁，搞到唔少網民都話好想睇下Ann姐屋企是唔是只有四面牆。
節目第二部分，找到獨居女子Fion，間屋買入唔夠半年，新淨又整齊，根本無需要做斷捨離呢個動作，咁點解節目會揀中Fion呢？怕且係因為佢肯提供埸地比Queenie做佈置……自稱為家居創意達人的Queenie推崇用廉價打造出富有藝術感的家居，所以先用膠花裝飾被她以平平無其去形容的燈架，之後又利用紅酒箱DIY了一個夾畫、羽毛球燈……
藝術這回事真係好見人見智，但Queenie最後以小形燒肉架做燈罩，在罅隙中插上一朵朵雪白的紙巾花就堪稱一絕，「（紙巾）抹完可以塞返入去」真係唔知當唔當佢講笑好。不過，一山還有一山高，DIY完紙巾燈後，Queenie用兩千大元在古董店買入一個假鹿頭，掛在300尺的蝸居當中……網民睇完之後，結論只有一個：最應該係丟咗主持人！