【棟仁的時光】棟仁察覺自己特殊能力 專錫乞自己憎嘅人嚟偷時間
撰文：張嘉敏
出版：更新：
無綫新劇《棟仁的時光》昨日播到第三集，開始入正題，講曾棟仁 (袁偉豪飾) 終於察覺到自己的特殊能力，就是吻一個人便可以偷走對方一日的時間，而被他吻的人就會即時昏迷兼斷片，Kris (唐詩詠飾) 同飛蚊 (林子善飾) 已經先後中過招。棟仁亦開始意識到自己的時間即將用盡，聽完他爸爸講他是借了全世界人1秒才生存至今時今日，他反思媽媽 (林淑敏飾) 曾對他說過的一番話，叫他珍惜時間，如果浪費的話個天就會收返他的時間。
其實棟仁就同現今香港好多打工仔一樣，每日營營役役咁過生活，為口奔馳返工放工。想好好善用時間做自己想做的事，甚至追逐理想？可以話係天方夜譚。有得揀邊個唔想揀珍惜時間？所以身為區區一名打工仔的棟仁都覺得好無奈，他亦忍不住呻話：「唔通個天嫌我太嘥時間？所以要收返？唔好咁對我好喎，依家係咪鹹魚唔得先？香港有邊個唔係鹹魚呀？」完全係道出了一眾打工仔的悲歌。
大家可以重溫返第一集棟仁所講的鹹魚論，其實這亦似乎亦是不少人在職場上的生存之道。那場戲講丘恩恩 (賴蔚玲飾) 鬧棟仁根本無heart，無靈魂，無理想時，棟仁就不温不火咁話：「你出咗嚟做嘢咁多年仲唔明嘅？當你愈有heart，愈有抱負嘅時候，老闆就會愈唔上心，視為理所當然。你同佢講理想，佢就會話畀你聽，理想可以當飯食，可以抗通脹，仲會乘機壓你價！老細永遠是對的，無論啲客畀咩屎橋佢都話係絕世好橋。咁你仲點帶個靈魂返工？點頂得住呀？做鹹魚總好過有一日做到死咗，變咗條死魚。」果然講出了血淋淋的真相。
袁偉豪爸爸患癌生命進入倒數 無奈道：佢已經承受唔到任何治療…
+3