袁偉豪爸爸患癌生命進入倒數　無奈道：佢已經承受唔到任何治療…

袁偉豪 (Benjamin) 近年備受無綫力捧，有機會擔正做男一，劇集一部接一部，剛宣傳完《三個女人一個「因」》緊接又要宣傳新劇《棟仁的時光》。他日前出席新劇的宣傳活動時，就透露他的爸爸原來已經癌症末期，並進入生命倒數的階段，自己的心情難免也會受到影響。Ben表示他爸爸患有鼻咽癌，近年身同體健康每況愈下，連肺部都有事。Ben現在並非與父母同住，加上工作忙碌，主力由她媽媽照顧爸爸，他一有時間亦會多陪爸爸。

Ben接受電話訪問時坦言：「爸爸唔需要住院，佢依家喺屋企休息當中，我同屋企人都有晒心理準備，因為爸爸嘅情況唔係太樂觀，佢身體已經承受唔到任何藥物同治療。」至於可會擔心工作期間爸爸突然有事而未能陪伴爸爸身邊，甚至趕不及見爸爸最後一面，Ben說：「唔諗咁多，雖然唔想影響到工作，但我會盡量以屋企人為先。」中國傳統習俗有人會以結婚沖喜，不過Ben就直言未有這個打算。Ben曾在訪問中說過他以前每日出糧收到票就會交給爸爸幫他儲起來，到他要用錢時再問爸爸拎，他至今依然好多謝爸爸，和爸爸感情好好。