林志玲做瑜伽彎腰失守　網友質疑佢係咪特登唔打底博走光？

林志玲同言承旭兜兜轉轉糾纏咗16年嘅感情，應該係大家最近茶餘飯後嘅話題，之前就傳出佢哋再續前緣有望開花結果，但最近就有人話因為言承旭玩失蹤，所以令林志玲唔再同佢繼續行落去，甚至出到聲話自己「我現在沒有愛情」。唔知係唔係呢件事太Hit，連帶有人翻摷啲舊相出嚟講，最近微博瘋傳幾張林志玲幾年前做瑜伽嘅相，而相中嘅林志玲就因為領口太低而走光，有網友見到咁仲問林志玲係唔係冇著內衣。

有網友見到呢幾張相就笑住話要「給攝影師加雞腿」，亦有人問林志玲係咪有心唔著打底。有傳媒就指林志玲透過助理駁斥佢「唔打底」嘅傳言，話呢幾張相係佢2013年同黃渤宣傳電影《101次求婚》時影嘅，所以冇可能上鏡而唔著胸圍內衣，如果係真嘅當時就已經係大新聞咁。其實難怪呢件事即使係翻炒都炒得咁熱，仲搞到林志玲都忍唔住回應嘅，因為貼圖嘅「娛蜀黍」係知名網絡娛評人，有成200萬個Follower咁多。