同言承旭感情又有變？　林志玲4題快問快答：我現在沒有愛情

「世界最遙遠嘅距離」到底係啲乜？大家可能各有解說，其中一個，可能會係林志玲同言承旭嘅關係。兜兜轉轉15年，大家都希望佢哋可以快啲開花結果。上年年尾二人喺大馬密會後，同居、懷孕、秘婚各種傳聞應有盡有，旁人比佢哋都更為肉緊。呢日林志玲喺杜拜出席活動時，講咗一句：「我現在沒有愛情」，吓！咁即係又破局？

林志玲開口談與言承旭關係：如果確定是愛一定毫不猶豫

今年2月志玲姐姐因病宣傳停工休息，到3月初復工時看似變得圓潤，被外界揣測佢係有咗BB要安胎，又傳3月會同言承旭到峇里島舉行婚禮。4月都到啦，肚就未見凸出，說好的婚禮又無相片流出，整個3月林志玲去齊瑞士、德國、西班牙，再去到杜拜，似乎所有嘢都係得個傳字。呢日林志玲飛到杜拜出席剪綵活動，親自回應各項傳聞，不過答案似乎同大家想像中有啲出入。

傳言承旭林志玲同居 經理人澄清相中人原來係「佢」

志玲呢日身穿貼身長裙現身，腹部平坦點睇都唔似有喜，塊面亦變返尖，狀態大勇。佢接受訪問時用決絕嘅語氣否認結咗婚兼有喜，一連4題快問快答：「我沒有懷孕」、「我沒有結婚」、「我這個月沒去過峇里島」、「我現在沒有戀情」，仲話以自己個性，如果有就一定會同大家分享，笑言：「每年都有老師算我會嫁，謝謝老師們，但我真的還沒有。」睇嚟努力咗幾個月，同言承旭始終未能再行前一步。