昆凌網晒仔仔正面照似足老竇 周杰倫搞笑留言：從小就餵珍奶
撰文：冼燕珊
出版：更新：
基因這回事真的很奇妙！周杰倫老婆昆凌日前於IG曬出9個月大兒子Romeo嘅正面照，雖然無露全面，被Cap帽擋住了大半張臉的Romeo，鼻仔同嘴仔都遺傳咗老竇周杰倫，同佢BB嗰時簡直成個餅印咁。仲有Romeo用手仔捉帽邊嘅手勢都好似周董平時扮Cool嘅樣，難怪連昆凌都忍唔住話：“Like father like son.”真係有其父必有其子。
周董亦都有留言，佢好鬼馬咁話：「從小就餵珍奶。」眾所周知，周董最鍾意飲珍珠奶茶，開完香港演唱會之後接受訪問，都話慶功要隊十杯珍珠奶茶，唔通個仔真係連口味都似足老竇？唔少粉絲都笑罵佢太胡鬧，連老婆昆凌都忍唔住出聲糾正話：「珍貴的奶！」
周董因為熱愛甜食而發福唔少，唔少粉絲都叫佢自己肥就算，唔好餵肥埋個仔，粉絲們對周董真係愛之深，責之切。