周杰倫囝囝Romeo一歲抓周 昆凌混血細佬曝光
撰文:冼燕珊
出版:更新:
台灣天王周杰倫嘅一對仔女,Hathaway 同 Romeo 分別已經兩歲同一歲了,日前父親節,周董同老婆昆凌邀請親朋好友,包括昆凌嘅爸爸同細佬、周董好兄弟劉耕宏一家,一齊為一對仔女慶祝生日。在派對上,周氏夫婦為囝囝Romeo 舉行傳統嘅抓周儀式。
![周杰倫同太太昆凌日前為一對仔女舉行生日PARTY。(微博圖片) 周杰倫同太太昆凌日前為一對仔女舉行生日PARTY。(微博圖片)](https://cdn.hk01.com/di/media/images/1556765/org/3f9afc874c66e9969abdf1dc0b35d5d0.jpg/1NxjWha4Qnrohjv7MWc_kbAXDtep4zXT1Xg7n9V4O58?v=w1920)
生日派對現場嘅佈置非常繽紛,以環遊世界為主題,仲有一條飛機跑道,背景有一個有齊全家英文字母開頭嘅Logo,包括J (Jay)、H(Hannah、Hathaway、R(Romeo),非常有心思。昆凌喺IG 曬出同爸爸細佬嘅合照,粉絲留言大讚昆凌細佬靚仔,話曬都系混血兒,五官精緻,人又生得高大,絕對有條件出道呢!相中昆凌手抱囝囝Romeo,但就為囝囝遮上一個黑超圖案,免得真面目曝光。
根據習俗,BB 滿周歲就會舉行抓周儀式,雖然抓周喺香港唔系太流行,但台灣人依然好重視呢個傳統。王婉霏在微博曬出Romeo抓周的照片,唔知道Romeo最後拎起啲咩呢?抓周是預卜嬰兒前途的習俗,最早可追溯至魏晉南北朝,在東亞一帶國家,包括中國、日本、韓國,都有呢個習俗。
+5