【倚天屠龍記】張無忌曾舜晞似丐幫　趙敏陳鈺琪零違和感

經典劇集《倚天屠龍記》正如火如荼拍攝中，全新版本（第8個版本）未播就已經令人超期待，皆因由香港導演蔣家駿執導，擅長拍武俠劇的他去年執導翻拍的《射鵰英雄傳》紅爆兩岸三地，今次再起用新人呢招大家都睇好他。

大家對於全新版《倚天屠龍記》相當關注，繼已知男女主角將由人氣小鮮肉曾舜晞（張無忌）﹑陳鈺琪（趙敏）飾演；做過周芷若的周海媚，相隔24年後升級出演做師父滅絕師太；香港女星許雅婷飾演小昭後，近來男女主角的劇照在網上率先爆光，最令電視友頂唔順的是無忌哥哥曾舜晞的造型好似丐幫人士，令唔少人都反晒胃。

雖然在金庸大師著作中，並沒有詳細描寫張無忌的容貌，只會覺得他是一位生性隨和﹑不善權謀的年輕人。但過去七版中皆因飾演張無忌的男星造型都是打扮得英俊不凡，就好似鄭少秋﹑梁朝偉﹑吳啟華﹑蘇有朋…….或許已經深深印在大家心中，再睇翻這一版的時候唔多唔少都有要求，最起碼外貌要盡顯英氣，可是曾舜晞正正就少了這一點。

從爆光的照片來看，新版張無忌身穿布衣的確好貼切他的身份，可是頭上留著一撮長劉海實在太出戲，好似南韓團體Bigband的隊長G-Dragon的「海帶頭」，講唔出時尚但又好似係故意，令人睇到好突兀。

男主角就大家唔睇好，不過女主角陳鈺琪飾演的趙敏大家一致大讚，陳鈺琪女扮男裝騎在馬上英姿不凡，眉宇之間氣質盡現，超貼切趙敏清麗的外貌，同生性多謀的個性，絕對有機會在多版趙敏中走出自己的風格，簡直冇得彈啊！其實，陳鈺琪過去在劇集《錦繡未央》飾演九公主，不時以男裝見人個性又活潑，因為這個角色受大家關注，今次飾演趙敏都是搬字過紙，相信她會做得好好。