【周遊東京．專訪】周奕瑋入行10年由記者做起：好感恩有呢啲經驗
「其實我好感謝當年由低做起，因為有幕後呢啲經驗先成就到依家嘅我。」最近因為主持《周遊東京》嘅周奕瑋，被外界大讚貼地，有深度，睇得出佢真係拎出自己喺日本生活時去嘅地方，真心介紹俾觀眾。或者因為佢娛樂新聞採訪嘅經驗，每次小編搵Jarvis時佢都會極速回應，全面配合。入行10年來嘅種種，為Jarvis裝備好去捉緊呢次孭飛機會，大放異彩。
代言旅行社日本線因似「領隊」
所有嘅機會都係一環扣一環，呢次可以獨挑大樑主持《周遊東京》，其中一個原因應該係，Jarvis係某旅行社日本線代言人。對手用嘅係杜如風、森美時，當日旅行社起用Jarvis，的確引起外界有唔少聲音：「實質（搵我代言）原因無特別問，但其中一個我聽過旅行社提起嘅原因，係覺得我好似佢地前線嘅領隊，嗰種親和力就似佢地領隊，同團員客人會好貼近嘅感覺。」情況應該就好似節目播出後，大家不停講嘅「貼地」感覺。
【周遊東京】日本通周奕瑋帶隊 100円狂掃吞拿魚刺身勁抵食【周遊東京】百年食店林立 周奕瑋解說日本人鍾意食泥鰍同鰻魚
製作前後包辦 唔做「背稿機器」
外界成日拎Jarvis同一眾前人比較，大學讀Media出身，由娛樂記者做起嘅Jarvis，其實同一般藝人擔任嘅旅遊節目主持，根本上有好大分別，例如係廠稿全部要自己寫，亦要參與大量幕後工作，例如《3日2夜》以及好多同日本藝人做嘅專訪，都係Jarvis自行設計流程：「Day 1訓練已經係幕前幕後都要兼顧，例如出去做訪問、寫錄旁白、坐喺廠講嘅稿甚至打字幕都係我一手一腳做出嚟，其實一直都好享受每次由頭到尾去完成一個Project。」
「導演合作咗好耐都知我好麻煩架哈哈，佢地都知如果主持無感覺好似無咗靈魂，佢地真係對我好好，其實大可以叫我自己搞掂做埋Research，但佢地知我係第一次，佢地都好落力幫我對我好好，監製編審個個都好幫手唔使我一個人面對，好多時候會提點如何呈現出嚟更好。始終同《3日2夜》嗰啲好唔同，我地會成Team人去傾要加減邊啲嘢去迎合翡翠台10點半時段觀眾嘅口味，當然啦大家各司其職，資料撰稿一欄都無落我個名，為件事好就OK。」
【周遊東京】神社參拜開運小知識 周奕瑋：御守有期限非keep一世【周遊東京】日本房一定細？ 周奕瑋推介三大性價比高住宿
整個訪問中Jarvis其實不下數十次感謝某某某，多謝乜乜乜，從對話中感受到佢唔係social而係真正感恩，多謝以往每個幫過佢扶過佢嘅人同事：「首先一定一定要多謝嘅，絕對係娛樂新聞台，每一位合作過嘅導演編審PA同事等等……當初開台時嘅大招募，唔係佢地執我返嚟，一個大學剛畢業傻吓傻吓嘅後生仔，可以有機會入電視台，唔會有機會做《3日2夜》，亦唔會訪問咁多值得學習嘅巨星。亦到好感恩可以由記者做起，因為有幕後寫料出身，每個project嘅經驗累積，先可以成就到今日嘅自己。」
《周遊東京》周奕瑋親身體驗日式Speed dating 成功拎到女仔電話【周遊東京】周奕瑋推介CP值超高放題 山泥傾潟式海贍壽司勁正
同為娛樂新聞台出身 黃翠如真心鼓勵
仲有一個點名要多謝嘅，叫做黃翠如：「15年我喺馬來西亞做星光薈萃頒獎典禮，當時翠如得獎（最喜愛TVB電視角色 《師奶Madam》花蘋）上台講感受，當時佢居然特別提起我，話我地都係娛樂記者出身叫我要加油，因為我做司儀都喺台上面，其實當下真係呆咗唔知多謝佢好定點樣好，無諗過佢會用咁寶貴嘅講感受時間嚟鼓勵我。直至當晚返到酒店房先清醒，真係感動到喺房喊出嚟。」Jarvis不諱言話，呢份來自同路人嘅感動，令佢緊記至今：「翠如都係娛樂新聞出身，由記者到演員到得獎，真係同路人先會明白當中辛酸，所以佢嘅鼓勵真係好刻骨銘心。」
2015馬來西亞星光薈萃頒獎典禮
黃翠如得獎感受由第19分鐘開始