【周遊東京】百年食店林立　周奕瑋解說日本人鍾意食泥鰍同鰻魚

成日話「富不過三代」，但呢個定律喺日本好似唔太生效。喺日本，百年老店多達數萬間，甚至有啲創業千年嘅公司。東京街頭上，只要留意店舖招牌，亦隨時發現百年食店。《周遊東京》新一集中周奕瑋（Jarvis）帶大家去試百年食店，鰻魚大家食得多，邊個部分最矜貴？未食過泥鰍鍋的Jarvis試到皺晒眉頭，到底咩事？

【周遊東京．多圖】跟住周奕瑋深度遊　首5集最正重點一文睇晒

東京街上，老店唔一定鋪面好靚，大家最緊要留意店舖招牌，尤其留意年號，大正就係百年以上，Jarvis去到一間始於江戶時代末期嘅鰻魚食店，感受二百年味道衝擊。鰻魚關東地區煮法係會先蒸再燒，蒸呢一重步驟係將皮肉間多餘油份，以及泥味去除。平時食嘅鰻魚丼通常俾頭尾，識食一定要揀最矜貴嘅「鰻重」，用漆盒盛載上檯，一定係中段最肥美嘅魚腩部位，散發多重油香、肉質嫩滑，配上滲透醬汁、鰻魚香、油香的白飯，簡直齒頰留香！

【周遊東京】日本通周奕瑋帶隊　100円狂掃吞拿魚刺身勁抵食【周遊東京】神社參拜開運小知識　周奕瑋：御守有期限非keep一世

【周遊東京】日本房一定細？　周奕瑋推介三大性價比高住宿【周遊東京】凌晨到埗只能去築地？　周奕瑋推介廿蚊休閒好去處

至於另一間百年老店就係食泥鰍，點解有人會食泥鰍？Jarvis就話因為泥鰍價錢係鰻魚嘅一半，但同鰻魚一樣咁多嘅營養價值，含有豐富維他命、鐵質及鈣質，係以前嘅庶民美食。未食過泥鰍鍋的Jarvis展開「過關挑戰」！通過入門級香脆回苦「炸泥鰍」，再晉級而上試「去骨泥鰍鍋」、「蒲燒泥鰍」，一食入口好滑，但會回甘有苦瓜感覺，就好似小朋友細個怕食苦瓜，大咗反而識得欣賞，難怪Jarvis揚言要待人生閱歷豐富後再光顧啦。