【農曆新年】陳貝兒離婚後首過新年與家人旅行：小問題可以跨過嘅

陳貝兒憑住《嫁到這世界邊端》贏得一眾電視觀眾的喜愛，其中一集提起自己已低調地離婚之後如何適應新生活， 在節目中爆喊，更受到不少電視觀眾的同情。其勇於面對新生活的態度更為她贏來不少掌聲。

適逢農曆新年這種大時大節，陳貝兒接受《香港01》訪問時就說：「而家專心做嘢，開始慢慢適應一個人生活。每日都過得好充實，可以重投一個開心懷抱。而家一個人過年都冇唔習慣，其實行返出嚟就OK，都係一啲小問題，係可以跨過嘅。」

陳貝兒說，農曆新年已經計劃好與家人一起旅遊。「新年已經plan好咗去日本東京，好耐都冇試過family trip。之前因爲工作忙，同埋要屋企人擔心，藉住農歷新年就可以開開心心。」最後陳貝兒更寄語有與她類似經歷的女性：「人生其實有好多範疇，要開心嘅話其實都有好多理由可以開心，最緊要focus喺開心嘅地方就可以。」陳貝兒呢個諗法真係夠晒正面。