【農曆新年】張秀文狗年踏入30大關被母催婚：「其實我會閃婚」

張秀文日前被傳已經「封盤」同前經理人拍拖，不過出席賀年節目時她就解釋道對方只是男性朋友，當日也只是普通社交活動。好彩！如果連秀文BB都宣布「封盤」宅男們都唔知點算好。

不過農曆新年又到，女生們應該都例必受到姨媽姑姐的追問，例如：「幾時結婚？拍拖未？」這些也是在所難免。唔知道張秀文又有冇遇過呢？她接受《香港01》訪問時說：「媽咪有催我結婚嘅，因為我係全家最細嗰個。我媽咪其實有少少心急囉，我都已經踏入30歲。你知道到咗呢啲關口，佢哋係好緊張。因為佢哋果代，十幾二十歲就已經結婚。30歲對佢嚟講：『嘩！阿囡你好老。』哈哈哈。」

張秀文雖然已經踏入30歲大關，不過她表示現階段仍以事業為重。張秀文：「我冇plan自己幾多歲結婚，幾多歲就要做啲乜咁。其實我可以係突然間閃婚嘅人。我等緊『呢個衝動』。」問到新一年大計，張秀文就説：「食多啲蘿蔔糕囉，哈哈。大計其實都係拍多啲劇，得到觀眾認同。」其實《同盟》入面張秀文個角色都吸引到好多網民留意，新一年多返啲出鏡機會肯定對TVB個收視有幫助啦。