【情人節】羅仲謙包場睇戲跪地送花做禮物　楊怡超冧勁感動

羅仲謙同楊怡婚後更sweet更恩愛，昨日適逄情人節，又加上謙仔有份主演的《西遊記女兒國》上映，於是人夫決定包場請老婆以及過百名親朋戚友睇戲。開場前，謙仔突然變出一紮花，並大嗌「老婆」時，楊怡即時又冧又感動。「好耐冇同阿謙睇戲，結婚前就怕人影到，結婚後又冇時間，今晚係個好難忘晚上。」
楊怡之後表示對於老公全日未有任何動作，都已經覺得奇怪，雖則話兩公婆都唔係太重視節目，但花就點都要送的，而謙仔則聲稱：「她剛才做訪問還投訴我。」

此外，《西遊記女兒國》於內地率先上映，開售一小時票房已超過1億人民幣，主角開心之餘，導演鄭保瑞亦都飲得杯落，雖然先後有過《大鬧天宮》和《三打白骨精》破12億人民幣票房紀錄經驗，但導演依然抱著一份既驚且喜的心情去面對。「總是有點像造夢的感覺，無論如何，也要多謝老闆給我和整個團隊無限的支持和配合，好感恩！」