【西遊記女兒國．專訪】羅仲謙滿足現狀：但唔代表我無鬥心

近年主力發展內地市場的羅仲謙，最近因賀歲片《西遊記女兒國》以及網劇《無間道》而「回流」香港。這天羅仲謙有如開籠雀一樣，談及《女兒國》的苦與樂之餘，也首次透露當初北上遇到的種種狀況。

再次與郭富城交手，羅仲謙笑言二人感情已昇華至可以一齊睇波、打邊爐、講車經的地步，培養出更好的默契，在演繹時也能得心應手。為了沙僧一角，羅仲謙每次開工都要花6小時化妝，再加上繃緊的特技衣，箍到血液運行不暢順之餘，連大小便也受到限制。「因為特技衣穿著有點複雜，所以著上之後最好唔好去洗手間，為此決定不進食，其實食嘢好易整甩啲鬚，我又好怕補妝，所以唯有唔食。」羅仲謙認為每一個工作都有辛苦之處，只不過這次對自己苛刻了一點。而遇上沙僧後，更是無懼。「唯一怕就係再做，哈哈！」

定居＝機會多？

為了養家，辛苦也是必然吧？羅仲謙說他與另一半都是十分知足的人，現況可說是幸福又滿足。「唔會刻意去強求更好的生活，但亦唔代表我無鬥心，有任何casting機會我依然會去爭取，不要說北京，再遠我都去，但定居就唔好啦。同埋依家唔搏幾時搏？」原來北上發展初期，公司曾向羅仲謙提議定居北京，認為此舉可以累積經驗與人脈。「我聽到之後係『吓！』你話有工作我飛上去係無問題，但整個重心北移……咁老婆點算？成個生活圈子點算？加上當時自己又有劇拍，雖然有不少成功例子，但失敗的我相信亦有不少，我係好怕改變，結埋婚更加唔願改變。」筆者笑言要犧牲才能幹一番事業，羅仲謙說寧願做空中飛人，也不想定居，就算老婆肯陪他北移，那家人應該如何處理？思前後想，還是放棄。

羅仲謙到底有幾愛楊怡？

【專訪】羅仲謙分享人夫之道：男人天生就係要忍讓

唔會放棄TVB

對於內地的工作模式，羅仲謙說仍在適應中。「可能大家會覺得待遇好好，但我唔覺得，係應分，同埋我拍劇出身，刻苦耐勞慣。他們的階級觀念很明顯，以前在TVB所有工作人員會同檯食飯，但內地會分開。」08年加入TVB後，羅仲謙很快成了力捧對象，高峰期1年6部劇出街，對於這個如娘家一樣的地方，他從沒有放棄的打算。「我未到可以放棄或忽略的階段，因為無論香港定大陸，我都需要好多機會，本身比較幸運，有劇拍之餘，公司亦提供好多電影機會。所以只要香港有合適的作品，我一定會接，同埋香港競爭咁大，所以無得選擇，而係一定要去做。」雖然一直有跟TVB商討，但內地工作很易有超時狀況發生，為怕得失任何一方，所以真係要計過度過。「我自己好享受在香港工作，所以我一定會回來拍劇。」

服裝：Polo Ralph Lauren
化妝：Leo Tam@Annie G Chan
髮型：Jan Chiu@IL Colpo(PP)
場地：帝樂文娜公館DaDa Bar