【無間道】網劇硬插電影經典場面　羅仲謙返屋企又要聽歌？

究竟而家行懷舊就一定無死？好似現在TVB播出的劇集《無間道》咁，如果有睇過電影版嘅觀眾應該不難發現，今次劇集中有些場面都好像有意向電影版致敬咁，但感覺又未到去足，似乎是「硬加」入劇情中。例如昨晚一集中其中一幕，就講到羅仲謙開始被上頭懷疑是內鬼，羅仲謙知道後當然好緊張，之後就回到家中聽歌鎮定下。

就係聽歌呢幕，雖然都係用HiFi聽，但d器材就無電影版咁靚。除此之外，無論是拍攝手法還是羅仲謙的演技，都同當年電影版第一幕劉德華同梁朝偉在Hi-Fi鋪聽歌一樣，又係要閉眼咁聽！唔知係咪無買到版權定點，因為羅仲謙聽嘅歌就不是大家耳熟能詳的「是誰~在敲打我窗~」，由蔡琴演唱的《被遺忘的時光》，而是由梁漢文獻唱的插曲《無間斷》，由蔡琴換左梁漢文個feel真係有好大落差，相信有好多觀眾睇完呢一幕都覺得感到彆扭。

之後仲有一幕就係羅仲謙為了避嫌，卻在病房內與飾演內地公安臥底的演員王陽用槍互相舉著對方，呢一幕就好似電影版梁朝偉約了劉德華在天台講數嗰幕，仲要係房入面勁黑，而我不知道究竟係咩玩法呢？！不少觀眾對於今次的劇集版的《無間道》最有興趣的反而是久違在劇集有演出的演員例如林俊賢，盧海鵬等，都被網友大讚好有型同好好戲！