回歸無綫不是夢？ MC Jin 叫大家集氣：問下問下可能成事
撰文：冼燕珊
出版：更新：
歐陽靖MC Jin和歐陽震華前排在上海相遇，Bobby仲上載幾張合照，同框仲有萬綺雯，引發大家猜測MC Jin係咪回歸TVB拍劇，因為剛巧TVB新劇《法證先鋒4》其中兩位主角就係Bobby同萬綺雯。
後來呢件個傳言被證實係流料，MC Jin今日出席時裝活動回應此事，話其實都有興趣返TVB拍劇:「我希望大家咁問下問下真係可以成事，真係有一日會有收到個電話打嚟叫我開劇，不過無都唔會失望嘅。」仲笑言大家如果真係想睇佢拍劇，就集氣聯署上書咁話喎。
Mc Jin唔擔心內地禁嘻哈文化 :無因此而覺得不知所措！【偶像練習生】為內地節目擔任導師 MC Jin自謙：叫我Rapper就夠MC Jin返無綫拍《法証先鋒4》？Bobby： 兩個『歐陽』相遇好開心
MC Jin仲話今次見到Bobby好開心，原來佢地兩個都有段淵源，當年MC Jin仲未加入TVB，喺尖沙咀巧遇Bobby，佢主動走上前同佢講：「你好呀！我叫歐陽靖，好鐘意睇你演戲㗎。」當時Bobby都未認識歐陽靖係邊個。「我咁多年嚟都好記得十幾年前喺街度遇到歐陽震華，但估唔到原來佢都記得我就係十多年前喺街度截停佢嘅歐陽靖。」MC Jin仲話覺得係一場緣份，希望真係有機會見到兩位「歐陽先生」一齊演戲啦。