Mc Jin唔擔心內地禁嘻哈文化 :無因此而覺得不知所措！
撰文：冼燕珊
出版：更新：
中國限娛令早前頒布「4不用」禁令，不用嘻哈文化、刺青文化、次文化和頹廢風格的藝人，MC Jin歐陽靖可謂首當其衝，佢今日出席時裝活動時回應此事：「收到這個消息嗰時無特別感覺，當然呢個禁令同我絕對有關啦，我又係Hop Hop Man，身上又有紋身，仲要好紋唔紋紋喺條頸上。」雖然如此，MC Jin都無特別為呢件事擔心:「不是話唔在乎唔希罕，當然呢個禁令對我嚟講唔係無影響，但我無因為咁而覺得不知所措。」
MC Jin目前於內地節目《偶像練習生》中， 夥拍王嘉爾、張藝興等當導師，他在節目中教學員Rap，而節目亦未被喊停，相信「4不用」禁令對他來說暫時影響不大，而經歷過種種低潮的MC Jin也表示對失看得很開:「其實我對6個月以來的經歷，將Hip Hop帶俾咁多人認識，大家又再次認識我，對此已經好感恩。」