譚嘉儀gel甲下廚被網民批評　美女廚神：平日我一定唔會留指甲

港產美女廚神譚嘉儀 (Vivi) 日前有段訪問片出街後，因為片中的她整晒gel甲切嘢，加上手勢又不太順暢，隨即就惹來不少網民的批評，指她身為法國藍帶廚藝畢業生，着住廚師衫化身為一位廚師的她，表現得非常之不專業，有網民留言話：「未見過廚師留指甲仲要整埋gel甲入廚囉」、「咁長指甲煮嘢食好唔衛生呀」、「切嘢切到姐手姐腳咁」，而對於網民的負評，Vivi亦有留言回應解釋。

對於被指竟然整晒gel甲入廚兼切嘢手勢不專業，她說：「因為當日有另一個工作需要gel甲，之後拍嗰條訪問片又趕唔切拆走啲gel甲，我真係煮嘢食嘅時候係絕對唔會留指甲，喺東京讀藍帶時都一定要剪晒指甲，就連指甲油都唔可以搽。我唔係廚師，即使讀完藍帶，我也只係一個熱愛下廚嘅女仔。做訪問時因為Gel甲太長，所以切嘢時要就住。」