【萬千星輝】汪明荃山頭文化論非照稿讀　曾志偉：邊個敢審阿姐稿

自從汪明荃（阿姐）於無綫的《萬千星輝頒獎禮2017》上講了「山頭文化」論之後，即引起了不少迴響，日前她與曾志偉一齊出席活動時，又再被問及有關言論，阿姐直言並非跟稿讀：「我係隨心講，我喺呢間公司成五十年，呢啲係自己想講嘅嘢。公司話多謝我。」嘩，真係阿姐先做到。就連志偉都笑言就算阿姐事前有稿都無人會阻止阿姐要講的說話：「邊個敢審閱佢啲稿呀？（咁你Buy唔Buy？）佢講嘅嘢點能夠唔認同？係佢先至講得到。因為第一，佢嘅地位，第二，佢喺無綫咁多年，咁了解公司，由佢講更加有說服力。」

阿姐話當時在台上大家有笑同拍手畀反應，事後亦有不少同事表示多謝她敢言，又指其實間間公司都有山頭文化，自己所講的並沒有甚麼大不了：「我覺得新管理層係有heart嘅，都想做得更加好。」點知身邊的志偉竟然話：「係想將山頭文化做得更好咋嘛？」真係好抵死。