張可頤少女心爆發 齊蔭新Look激似英劇《X你的世界末日》女主角
撰文：張嘉敏
出版：更新：
現年48歲的張可頤（Maggie）無論個樣同身材咁多年來都無咩點變，真係keep得幾好，今年仲會全力回歸香港幕前，有份參演由梁朝偉、郭富城與譚耀文等主演的電影《風再起時》，以及參演FOX港劇《香港華爾街》，當然更加要keep好個狀態啦。近日去完英國旅行度假的她，就叉足電，仲轉了一個齊蔭及肩新髮型，即時young了10歲！
而Maggie亦同時下一般少女無異，鍾意玩自拍，日前她就上載了幾張自拍照，又嘟嘴，又咪眼又玩頭髮，少女心爆炸，確實心境年輕對keep住靚樣好重要。Maggie更加表示有追看近期熱爆的Netflix英劇《X你的世界末日》（The End of the Fxxxing World），好跟得上時代步伐㗎。而她的新髮型亦同劇中女主角Alyssa（Jessica Barden飾）的髮型好似，都係齊蔭，唔知她的變髮靈感是否來自Alyssa呢？