【難兄難弟20周年】羅嘉良張可頤真青春　歌曲超洗腦出埋原聲大碟

1997年，相距至今足足20年。講起當年，你又知唔知20年前自己做過乜？當時仲係好鼎盛嘅TVB，播緊咩劇？做緊咩卡通片？可能真係要諗一大輪，上埋Google先知發生咩事。不過呢，過多兩日原來就係《難兄難弟》20周年！這套劇是TVB一直以來少有的歌舞青春劇，雖然講緊60、70年代香港娛樂圈的盛況，但劇集以輕鬆幽默的表現，又有劇情又有歌聽，一出街極受觀眾歡迎，精彩程度直逼同樣有歌舞元素嘅《La La Land》同《High School Musical》！而且四大男女主角羅嘉良、吳鎮宇、宣萱與張可頤當年只係廿幾三十歲，是TVB的當家小生花旦，睇住佢哋跳舞唱歌嘅經典場面，真係好懷念呀！TVB眼見《難兄難弟》如此收得，收視有成34點，即刻食住上，開拍了《難兄難弟之神探呂奇》。

當年呢套劇集成為1997年TVB的最佳劇集。除此之外，這套劇改編及演繹了多首經典好歌，例如《莫負青春》、《情花開》，還有改編《唐山大兄》的《奇哥》，以及《榴槤飄香》變成《蝶兒雙雙》，首首歌都瑯瑯上口，歌詞易記。尤其是主題曲《難兄難弟》，事隔20年，相信好多人都仲記得「 Ah......青春，總失去莫名；Ah......只想，情誼能共永～」當年TVB見反應咁好，仲食住上出埋原聲大碟㖭！呢種做法真係幾少有。不過可惜的是，20年後實在太難看回這種陣容、劇情再現TVB，皆因主角個個都離開TVB往外闖，宣萱與張可頤都被傳不和十多年，再見不是朋友。如果觀眾真係想再親眼見到，可能要買返套DVD，或者上網睇返了。但係唔好灰心，想重溫之前，都可以聽返幾首經典歌回味下。

原聲大碟曲目：

01. 難兄難弟（主題曲） – 羅嘉良 吳鎮宇 張可頤 宣萱
02. 望兩望、笑一笑 – 羅嘉良 張可頤 
03. 蝶兒雙雙 – 羅嘉良 吳鎮宇 張可頤 宣萱 
04. 心相印 – 吳鎮宇 宣萱 
05. 莫負青春 – 張可頤 宣萱 
06. 姑娘十八似花嬌（搞笑版） – 吳鎮宇 宣萱
07. 姑娘十八似花嬌（正常版） – 羅嘉良 宣萱
08. 情花開 – 羅嘉良 宣萱 
09. 奇哥 – 羅嘉良 張可頤
10. 誰更重要 – 羅嘉良

《蝶兒雙雙》

《莫負青春》

《心相印》

《姑娘十八似花嬌》