【萬千星輝】馬國明「天然呆」樣不再：我有特別練過

憑TVB劇《降魔的》馬季一角在台慶頒獎禮上拎到「最受歡迎電視男角色」獎項的馬國明，在台上發表得獎感言時就表示多謝珍姐鬧足自己17年，其後馬明在後台接受《香港01》訪問時話珍姐鬧咩內容就唔記得咗，但就自爆份人唔係好聽話並笑言，「因為上次我都加薪幾多，咁佢又肯咪續約。嚟緊又要傾續約，我又要唔聽話喇！」馬明自己講完都忍唔住不停爆笑！
 

今次拎到「最受歡迎電視男角色」馬明話已經好開心，「作為一個演員，最重要係個角色令人鍾意。」記者提到當時獲獎少咗「天然呆」表情，佢笑言因為自己有練過，「我同自己講無論有無獎，今晚一定唔會俾觀眾見到我天然呆嗰個樣。」咁女友黃心穎有無係後台俾一個（愛的抱抱）佢呢？馬明指，「唔使喇使乜愛的抱抱，一個支持已經好開心！」
 

提到有不少網友對於馬明失落視帝都替佢不值，馬明就好樂觀咁話，「每一個觀眾心目中嘅視帝都唔同唔係同一個人，有啲唔係投我或者投浩信，係投俾第二個，所以贏輸我又覺得無咩所謂。最緊要大家開心，今晚係一個party。」