【萬千星輝】馬國明同心穎去旅行好難得：入咗TVB 17年今次先有假

《萬千星輝頒獎典禮2017》行完紅地氈後，一班藝人就入到去後台休息，接備迎接頒獎呢個緊張時刻。不過在後台都有好多時發生，例如馬國明同黃心穎又被人叫出來一齊合照，早排有傳媒影到佢哋又偷偷出去眾會，之前仲一齊去旅行，究竟係咪好事近呢？

不過今日話晒都係頒獎日子，當然要睇吓馬明有無信心喇，在接受《香港01》訪問時他說：「都係平常心喇，因為我成日覺得有無獎拎都要睇運氣，睇吓今晚運氣會唔會喺我身上喇。（心穎有無投你？）佢都話會投我一票嘅，我都好多謝佢，其實我成日覺得唔係話要拎獎先要慶功，就好似《降魔的》咁，其實我哋成個團隊都好開心，就算無獎拎都應該要請台前幕後食返餐，我會同監製商量吓點請佢哋食飯。其實嗰段片係幫《降魔的》拉吓票，希望拎到「最佳劇集」，我哋成個團隊又好開心喇，嗰日出嚟係寓工作於娛樂喇，拍吓嘢食吓飯咁。（之前同心穎去旅行，當散心？）其實唔係散心嘅，我入咗TVB 17年好難得有假期，難得又就到佢，無乜嘢，純粹去吓旅行。咁多年我都無試過去旅行，出咗工作上要出國，今次幾特別㗎，個地方我哋都無去過，有啲新鮮感。」

【萬千星輝】真空上陣咁大陣象？ 高海寧：件衫無嘢露，唔使打底

【萬千星輝】01有票俾你投有結果喇！ 全民揀《降魔的》成大贏家