朱晨麗做新版《倚天屠龍記》　演亦正亦邪周芷若：會有好多打戲

日前無綫、邵氏以及由王晶開設的星王朝宣布強勢聯盟，宣佈來年將會開拍多部電影及電視劇 。男女主角的重任當然是交俾TVB的花旦小生，據知朱晨麗(朱朱)將會接拍電影版《倚天屠龍記》，並飾演經典角色周芷若。朱朱接受《香港01》訪問時透露未知幾時開拍，「要等導演監製公佈，多謝公司俾大量機會我地藝員，我係其中之一都好榮幸。」

【平安谷】黃浩然選擇同陳凱琳私奔？　男仔原來會俾亂棍打死
【平安谷】陳瀅慘遭殉葬　現在仍有地方保留恐怖習俗？ 
【平安谷】陳瀅第一集即被殉葬　恐怖鬼故因佢而起

雖然朱晨麗未知在電影版《倚天屠龍記》中同邊個做對手戲，但佢就指今次會有好多打戲，而去年她拍攝的劇集例如《特技人》及《兄弟》等，都有大量動作戲，所以都無咁驚，「其實上年我有好多劇集都要打，都練到少少功夫，好期待今次拍攝同合作，總知我一定會全力以赴，向經典致敬。」

其實過往歷年來有不少女演員都飾演過周芷若這個角色，例如趙雅芝、周海媚、佘詩曼及高圓圓等。其中90後(即係我)最記得佘詩曼的亦正亦邪演繹，真係少啲演技都唔得。當時佘詩曼只有26歲，都算係新人一名，而另一女主角趙敏就由黎姿飾演，真係好靚，唔知今次電影版《倚天屠龍記》會由邊個飾演呢？