【玩轉日本動物園】樂瞳著貝殼泳衣浸溫泉　同明星「水豚」鬥身材

樂瞳早前與日本籍型男葉山豪（即係之前拍《3D肉蒲圃》嗰位）主持「奇妙電視」製作的旅遊節目《玩轉日本動物園》。節目中２位更到訪日本關東及關西地區22間動物園。其中樂瞳和葉山豪到達關東的那須動物王國時，就與日本的動物明星「水豚」一齊浸溫泉。

節目中樂瞳去到那須動物王國時，就穿上了她的私伙貝殼泳衣。雖然有戰衣上陣，但係似乎都未能打動身經百戰的葉山豪，更慘被取笑她身形似足一齊浸溫泉的水豚。「都唔知佢係水豚定你係水豚，你哋一樣樣！」雖然如此，但是沒有落水的葉山豪亦都十分有風度的幫樂瞳留住美麗一刻。

但是不少網民似乎唔係好buy樂瞳嘅貝殼泳衣，仲話套泳衣好有中國大陸風格添。更有網民甚為同意葉山豪的觀點，覺得樂瞳同水豚一樣咁肥。