樂瞳做歌手慘變演員捱10年　離巢TVB：我唔想以甘草演員身份走

曾經被譽為「宅男女神」的大台小花樂瞳，昨日（6月14日）約滿TVB。入行10年的她曾經因為在《點解阿係阿SIR》中飾演反叛女學生得到大家關注，人氣急升的她獲封為「宅男女神」，又曾經獲得「飛躍進步女藝員獎」及「搜尋人氣急升電視藝人獎」等，雖然網絡人氣不俗，始終在大台從未「擔正」直到約滿結束賓主關係。

「我其實係想做歌手」

最近約滿TVB離巢的樂瞳，好多人誤以為她是一位電視台藝人，其實樂瞳初初是以歌手身份出道，近日與合作10年的TVB結束賓主關係的她，接受《香港01》音樂組史順宜bingo訪問時表示：「其實我由入行開始一直都是簽TVB經理人合約，我入行的目標其實是想做歌手，就算簽TVB經理人合約，我都是想做歌手。當時我好好彩可以簽TVB經理人，但是同時去做歌手，順利出自己的唱片。不過後來拍完《點解阿係阿SIR》後得到更多拍攝機會所以一直都是拍劇為主，雖然之後簽約星煥唱片（星夢前身），但因為好多拍劇機會timming唔夾，所以慢慢變成一位演員，我當初其實是為做歌手而做一位演員，不過拍劇其實我都好滿足，好多人因為我拍劇而認識我。」

我係TVB都做到「滑牙」

問到當初樂小姐有無挽留時她回應：「樂小組同藝員部一直都有同我傾續約，因為我覺得條件上唔係好適合，哩十年我一直都想轉換一下環境，出去呼吸一下新鮮空氣，其實我係TVB都做到「滑牙」，拍劇成日都做人「阿妹」好似無乜突破，所以我覺得自己都學夠野，係時候出去行下，想試下唔再在係TVB management睇下會唔會有變化。唔可以話挽留嘅，大家都係好理性咁去傾，點樣可以令我嘅發展更加好。我同樂小姐面談過一次，佢嘅意向都係想我留係公司，佢覺得我要唔好再局限自己工作嘅發展，應該要上進，要學識係工作上掙取機會，同埋唔好做人咁「安逸」（被動）。我聽完佢哩番話我都有所領悟，於是我諗咗一段時間先有今次哩個決定，我覺得我攞住tvb哩份人工我係過到活，但係我做唔到我想做嘅野，所以我唔想再哂自己啲時間，如果我喺哩個moment（時候）我走，起碼大家會記得我樂瞳，有印象我喺好多劇集都做過其他人「阿妹」嗰個，但3年後我走，到時我唔想以甘草演員身份走。」

樂瞳雖然入行10年，但外形真係十年不變，依然童顏。（睇下圖）