【東張西望】講「 二手飯」睇到心酸　觀眾不滿 :俾返少少尊重人

香港經濟不景，有人三餐不繼，《東張西望》今次講到有人食其他人進食後的飯餸，俗稱「二手飯」，跟蹤一位男人不停在美食廣場穿梭，又企定定望住其他人食飯，網民紛紛指出其實「二手飯」都為勢所迫，趁其他人離開就食剩飯餸。

訪問中有位女士表示好介意其他人食食剩的食物，「話晒佢都係食自己口水尾，我都驚架！」相反另一位男受訪者就話「無所謂，橫掂自己都食唔晒，佢有需要食咪由佢囉！」節目中訪問了一位中年男士經常在美食廣場流連，食其他人的剩菜，坦然有中學以上學歷及英語流利，因投資失利失去積蓄，居無定所，生活無依。

有網民批評節目中只係描述件事，但又沒有提供實際建議去幫助呢班人，同時網民紛紛指出其實「二手飯」都為勢所迫，希望大家有同理心，亦指出「每個人都試過低潮 好心就俾返少少尊重人哋啦」有網民擔心如果有商場管理層不滿，可能會叫職員趕走人，又會影響他們生活。