【東張西望】被屈賣狗肉苦主不接受道歉　檔主陳伯：知唔知幾辛苦

幹叔（陳伯）被屈賣狗肉事件，雖然已証實他是賣羊肉不是狗肉，網民亦要求始作俑者動物關注組成員何來出來道歉，還幹叔一個公道，成員日前接受《東張西望》訪問，解釋前因後果，亦向幹叔道歉，她說：「幹叔店主先生，咁我非常抱歉啦，因為呢件事件令到店鋪嗰個....情況攪到咁緊張，我哋動物界其實都好緊張㗎，因為我哋從來冇諗過件事會爆得咁犀利，我絕對相信幹叔你大人有大量，希望你明白我哋.....對於有隻屍體擺响外面呢，好多街坊同我哋講其實好驚，會唔會有啲方法，唔會咁得人驚呢？」但為何何來不親身向幹叔道歉呢？她因為素食不方便對住幹叔道歉。

雖然何來就透過《東張西望》道歉，不過陳伯就不接受，雖然網民已紛紛轉為支持他，他再接受訪問依然氣難下，他說：「我接受唔到，我嘅苦衷，我咁多日住喺度幾咁艱難，日日喊，日日行出去驚俾人打....或者我做嘅程序唔啱，但你有冇了解過幹叔點做法，因為check過幹叔嘅証件？你哋喺網上點講嘢？教授，咩都齊嘅，你哋屈到我幾時，你知唔知我幾辛苦呀？」陳伯一位老人家的確受了不少壓力，而他的女兒亦有出鏡，對於何來的道歉，她亦不太接受，因為還歸咎於她爸爸將屍體放在門口，她表示因為燒完羊後要等，而店鋪實在太小，迫於無奈放在門口，但這次事件後都會檢討，不會再令街坊受怕。