倪晨曦素顏都咁靚梗有原因　「1個星期做6次瑜珈」

倪晨曦（Elva）出名人靚身材好，自早前ViuTV節目《全職媽媽放大假》播出後，更因為節目中展露溫柔又有愛心的一面，俘虜了不少網民的心。網民除喜歡倪晨曦有愛心的內在之外，更有不少人認為Elva「無添加」的素顏也十分吸引！

倪晨曦接受《香港01》訪問時說：「雖然化妝嘅技巧都好緊要，但係平時做清潔同埋保養係好緊要！你用咗幾多嘅時間照顧你個樣，其實都好關事。譬如我自己每晚沖完涼，都會預咗半個鐘至45分鐘去做護膚，會做下啲清潔嘅masks同埋護膚嘅masks。譬如我每一晚，都會用唔同種類嘅masks，我覺得呢一啲，女仔都係唔可以偷懶！」

雖則說外在支援好緊要，但原來倪晨曦在飲食上亦都下過苦工。 Elva：「飲食方面我食得好清淡嘅。譬如宜家我改咗食素都差唔多5個月，覺得個人冇咁水腫，同埋皮膚嘅顏色都好似光啲，係有分別嘅。我食肉嗰時，朝早起身塊面會好似豬頭咁水腫，要『旱』好耐先可以燒曬腫。宜家就冇咗呢個問題。」

作為瑜伽珈導師的倪晨曦，她表示平日的運動主要以做瑜珈為主。「我就做得比較多，一個星期都會做（瑜珈）5至6次。如果可以每日都做一個鐘左右（瑜珈）就係最好嘅！」在煩忙的工作中，原來Elva都有keep住「開班授徒」，她説：「今年來講就會開比較多唔同嘅堂，近排點每個星期六晚就有幫adidas教瑜珈堂。」倪晨曦仲話呢個瑜珈堂係免費參加㗎！不過，各位巴打們就可能要失望，因爲Elva教授的課堂只接受女性報名⋯