森美做人爸爸好感觸　憶父親愛護落淚：原來當時爸爸有幾錫自己

森美一直鮮有提及家庭的事，外界少部份人甚至仲以為森美還是單身狀態。其實森美已經在早年結婚，仲已經係13歲的仔仔及9歲囡囡的父親。日前森美在一個教會的網上節目中就談起了一段關於子女的事，已為人父的他談到自己爸爸時更加感動落下男兒淚。

「我送個小朋友去讀書，佢（間學校）喺海邊。我記得揸住架車落斜路，個斜路係海邊城市。落斜路嘅時候我個腦突然諗返起以前讀書嘅時候，我爸爸車我去赤柱寄宿讀書嘅情景，好強烈。我感覺嘅係，原來當其時爸爸有幾錫自己。」說到這邊，森美就終於忍不住落淚了。

森美更當下喊住拿起手機WhatsApp爸爸。「唔捨得好少，原來感受到爸爸嘅力量好大。我忍唔住即刻WhatsApp錄音俾我阿爸。我（拎起電話）一講就喊，我講咗2次先講得到。說話就係好簡單，我就係話：原來我感受當其時你嘅感覺。原來送小朋友去讀書嘅感覺係咁。」

１５：４３開始

常人以為，平日電台節目上、電視機中嘻皮笑臉的森美就是他的全部。但估唔到，森美內裹係一個咁感情豐富嘅人，而佢對爸爸的感情又係咁深厚。電視機上可以見到咁感性的森美的機會真的很少，可能是因為「男人有淚不輕彈」的關係吧。